Një histori familjare, që nga viti 1993

Tri dekada me mobiljet italiane: nga një dyqan i vogël në Fier, deri te showroom-i ynë sot në Tiranë dhe zyra në Fier.

Sallë ngrënieje me dritare me harqe dhe tavolinë druri (Ulivi), me pamje nga deti

Historia jonë

Në pranverën e vitit 1993, Muhamet Stojku dhe djemtë e tij, Rexhep dhe Besnik, hapën në Fier dyqanin e parë me mobilje italiane.

Një vit më vonë u hapën dyqanet në Lushnjë dhe në Korçë. Më 20 mars 1996 u themelua Murebest sh.p.k., me qendër në Fier, me një qëllim të qartë: të sjellë në shtëpitë shqiptare mobilje të punuara me mjeshtëri në Itali.

Që atëherë, thelbi i punës sonë nuk ka ndryshuar. Zgjedhim me kujdes koleksionet dhe i shoqërojmë klientët tanë hap pas hapi, derisa shtëpia të marrë formën që kanë ëndërruar.

Përveç shtëpive, marrim përsipër edhe projekte për hotele dhe zyra, me të njëjtin kujdes dhe të njëjtat standarde cilësie.

Që nga 1993

1993
Dyqani i parë në Fier, i hapur nga Muhamet Stojku me djemtë Rexhep dhe Besnik.
1994
Dyqanet në Lushnjë dhe në Korçë.
1996
Themelohet Murebest sh.p.k. Pjesëmarrja e parë në panairin KLIK EXPO.
1998
Hapet dega në Tiranë.
2001
Kupa e Artë në panairin Expo Primo.
2007
Zyrat e reja qendrore në Fier.
2012
Showroom i ri në Tiranë.

Koka kapitone e krevatit Chanel, e punuar me dorë (Ulivi)

Filozofia jonë

Mjeshtëri italiane
Mobilje të punuara në Itali, ku materiali, forma dhe detaji trajtohen me kujdesin e artizanit.
Cilësi që zgjat
Zgjedhim mobilje që jetojnë me ju për vite me radhë, jo për një sezon.
Shërbim personal
Çdo klient ndiqet personalisht, nga takimi i parë në showroom deri pas montimit në shtëpi.

Si punojmë

Një proces i qartë, nga biseda e parë deri në ditën kur shtëpia juaj është gati.

Konsultim
Takohemi në showroom ose në shtëpinë tuaj për të kuptuar hapësirën, stilin dhe nevojat tuaja.
Projektim
Me arkitektë shqiptarë dhe në bashkëpunim me studio italiane, përzgjedhim mobiljet, materialet dhe ngjyrat për çdo dhomë.
Dorëzim dhe montim
Kujdesemi për transportin, montimin dhe asistencën teknike, që ju të gëzoni shtëpinë pa asnjë shqetësim.